Acceso Usuarios
Qué é antenasimasd.com?
Este é o Portal Web das antenas de I+D dos polígonos industriais de Galicia adheridos a este programa, unha rede que pretende canalizar e dar resposta ás necesidades das empresas en materia de I+D+i, contribuíndo a mellorar a competitividade do tecido empresarial galego.
A través deste Portal Web, as empresas que estean interesadas en participar en proxectos de I+D+i poderán desde expoñer as súas ideas para atopar socios tecnolóxicos ata atopar axuda para a tramitación de axudas ou subvencións, e incluso apoio na xestión dos seus proxectos aprobados.
Este espazo virtual da rede de Antenas de I+D tamén pretende ser un escaparate de tecnoloxías innovadoras, achegando os resultados dos proxectos de I+D+i aos seus usuarios empresariais, e participando de xeito activo na súa difusión.
Se desexa obter unha información máis ampla da que se atopa nesta páxina e máis axustada ás súas necesidades, pode facelo a través do formulario de contacto ou ben dirixíndose ás oficinas das Antenas de I+D dos polígonos adheridos.
É unha iniciativa de:
Últimas novas I+D
Axudas para accións de comunicación e divulgación científica e tecnolóxica (Diverciencia)
No DOGA nº 114, do 30 de xuño publícase a Orde do 30 de maio de 2008 pola que se establecen as bases para a concesión, en réxime de concorrencia competitiva, das subvencións correspondentes a accións de comunicación e divulgación científica e tecnolóxica Diverciencia) no marco do Programa de comunicación e sensibilización social (CSS) do Plan galego de investigación,desenvolvemento e innovación tecnolóxica (Incite), e se procede á súa convocatoria para o ano 2008.
Axudas para a mobilización, dinamización e sistematización da innovación
No DOGA nº 105, do luns 2 de xuño publícase a orde do 2 de maio de 2008 pola que se establecen as bases reguladoras para a concesión, en réxime de concorrencia competitiva, das subvencións para a mobilización, dinamización e sistematización da innovación.
Axudas para o fomento da propiedade industrial
No DOGA nº 59, do 27 de marzo, publícase a orde do 11 de marzo de 2008 pola que se establecen as bases reguladoras para a concesión das subvencións para o fomento da propiedade industrial, no ámbito da Comunidade Autónoma de Galicia.
